Ég er í jólafíling......

Mér áskotnaðist fyrir nokkrum árum síðan feiknaskemmtilegt kver um Jólasnótirnar þrettán eftir Davíð Þór Jónsson. Þar segir frá systrum jólasveinana sem ekki hefur heyrst svo mikið af....eða eins og segir á baksíðu þessa litla kvers;

"Allir þekkja vísur Jóhannesar úr Kötlum um jólasveinana þrettán, óforbetranlega hrekkjalóma sem gera fólki lífið leitt á aðventunni. En í þessari bók birtast systur þeirra þrettán í fyrsta sinn á prenti, en hingað til hefur tilvera þeirra farið hljótt. Þær eru enn varhugaverðari en bræður þeirra - og nútímalegri. Til að mynda hafa flestir eflaust einhvern tímann orðið fyrir barðinu á Lyklakrækju, Rógtungu eða Bílklóru, svo einhverjar séu nefndar......"

Bókin er skemmtilega myndskreytt af Jean Antoine Posocco.........

Þrælskemmtileg viðbót í jólapakkann.....

"Sú fyrsta, Tröppusleikja,

er með tungu eins og naut.

Hún tröppuna sleikir

uns trappan verður blaut.

Svo kemur maður heim

með kristalskál

í tíu stiga gaddi.

Þá er trappan orðin hál.....

Glitblinda er önnur

með sinn glataða smekk.

Af flóðlýsingu hennar

fá fagurkerar skrekk.

Hún skýst um allan bæinn

og skreytir tvist og bast

og eftirlæti hennar

er amerískt plast.....

Athugasemdir

[Hrönn Sigurðardóttir, 16.12.2008 kl. 14:00]

hehehehhe! Frábært! Ég hugsa að ég hafi lent í þeirri fyrstu í gær

[Vilborg Jónsdóttir (IP-tala skráð) 16.12.2008 kl. 23:19]

Aldrey heyrt um þessar systur áður  flottar.  Ertu ekki annars eitthvað að koma til í  fætinum ??? 

[Bergljót Hreinsdóttir, 18.12.2008 kl. 00:53]

Ha ha ha!!! Hef heyrt smá...en var búin að gleyma þessum tjellingum...

[Tína, 18.12.2008 kl. 08:58]

Hef aldrei heyrt um þessar systur, en þessi 2 vers hljóma ansi skemmtilega.

Vonandi ertu nú orðin betri í fætinum elsku vinkona. Farðu nú vel með þig.

[Marinó Már Marinósson, 19.12.2008 kl. 19:06]

Kæra vinkona.   Sendi þér og fjölskyldunni jólakveðju og vona að þið eigið yndislega stund saman um hátíðarnar.

[Dísa Dóra, 20.12.2008 kl. 08:48]

Greinilega jafn uppátektasamar og bræður sínir