Veðurteppt á Selfossi !!!!

Vaknaði fyrir allar aldir eins og venjulega til að komast í vinnu í tæka tíð...... hafði ekki gert mér fylligega grein fyrir því hvernig veðrið var og hafði eiginlega hlakkað til að koma mér vel fyrir í farþegasætinu í bílnum og halda áfram að sofa.......... en mér kom ekki blundur á brá... það var þvílík þæfingsfærð að það veitti ekkert af að minnsta kosti tveimur bílstjórum.... en ég er með afbrigðum meðvirkur bílstjóri þegar samsettningin; Bóndinn + hálka + blindbilur... eiga í hlut ..... það er styðst frá því að segja að þegar upp á miðja heiði var komið tókum við þá skynsamlegu ákvörðun að snúa við.... þar sem ekki var þverfótað þarna uppi fyrir bílum sem sátu pikkfastir og komust hvorki lönd né strönd ..... þegar við vorum komin niður í miðja Kamba þá sjáum við snjóruðningsæki sem kom æðandi upp á móti okkur og vorum við snögg að taka ákvörðun um að snúa bílnum við og elta tryllitækið........ en en..... ekki verður kálið sopið þó í ausuna sé komið..... áttuðum okkur snögglega á því að við höfðum í hamaganginum, spenningnum og dramatíkinni gleymt að stoppa í Hveragerði og kaupa bensín á bílinn og sáum því þann kostinn vænstan að snúa við og dæla nokkrum lítrum á kaggann....... nú... þega við í þriðja sinnið ætluðum að rjúka yfir heiðina var búið að loka henni fyrir allri umferð........ .....Eftir að hafa setið drykklanga stund og drukkið góðan kaffisopa hjá bróður Bóndans var stefnan tekin heim á leið..... enda ekki útlit fyrir að heiðin yrði opnuð fyri bílaumferð í bráð........ á Selfossi gerðum við okkur grein fyrir því að ekkert vit væri í að fara lengra í austurátt þar sem ekkert var byrjað að ryðja og allt meira og minna kolófært.......... við dóluðum okkur á Selfossi í dágóðan tíma..... renndum hýru auga á hús Hrannar bloggvinkonu minnar........ en hún var að sjálfsögðu ekki heima kerlingin sú arna..... sjálfsagt upptekin í vinnunni í giftingarpilsinu fína með varalitinn sinn fræga á kafi í skemmtilegum tölum...............

Við komumst fyrir rest, laust eftir hádegi til byggða á ný.......en þá í gegnum þrengslin....... á leiðinni sáum við allnokkra niðursnjóaða bíla í vegkantinum...... bílar sem höfðu verið skildir eftir vegna ófærðar fyrr um morguninn........ Nú sit ég heima í Kópavoginum.......nýkomin heim úr vinnunni búin að afgreiða fleirri hundruð blómavendi í tilefni bóndadags ..... sé rúmið mitt í hyllingum.......svo ég tali nú ekki um bókina sem ég er að lesa akkurat núna........ heheheh nokkuð góð.....bók um úkrainska traktora..... .....

Setti inn nokkrar stemningsmyndir frá deginum í dag.......

Góða nótt......

 

Athugasemdir

[Anna Einarsdóttir, 26.1.2008 kl. 00:55]

Úkraínskir traktorar ?    Það mætti segja mér að þú sofnaðir alltaf í annarri línu. 

[Hrönn Sigurðardóttir, 26.1.2008 kl. 02:19]

Snúlla!!! Ég hefði getað sagt þér svo krassandi sögu, ef þú hefðir bankað......, að þú hefðir ekki þurft bækur fyrr en 2009......!!

 Lovjústill

[Marta B Helgadóttir, 26.1.2008 kl. 11:04]

Skemmtilegar myndir.

[Marinó Már Marinósson, 26.1.2008 kl. 11:58]

Minnti mig á gömlu daganna austur á landi.       Já það er gott að búa í .........