Og enn....

er ég veik.... .... fór á læknavaktina í kvöld og fékk það staðfest að ég er ekkert á leiðinni í vinnuna fyrr en eftir helgi..... er með bronkitis og fékk eitthvað gott að gleypa við þeim andskota....

En maður má svo sem vera fegin að maður er bara með einhvern flensuskít sem síðan rjátlar af manni...og maður ætti nú að skammast sín yfir því að vera að þessu væli yfir ekki neinu............ en ég má samt smá....

Maður er nú að nýta tímann í sitthvað uppbyggilegt,  ég er td nánast komin með Bs gráðu í sálarfræði...... Dr Phil veit sko hvað hann syngur það er allveg ótrúlegt hvað maður lærir mikið á því að hlusta og ekki síst að horfa á snillinginn .... þetta er svona svipuð tilfinning og þegar Bráðavaktin var og hét...... ég missti ekki af einum einasta þætti..... og ég get svo svarið það að ég hefði geta barkaþrætt allan ættarstapann hefði hann þurft þess með....... því það var sama af hvaða orsökum sjúklingarnir í ER komu á móttökuna..... það voru bókstaflega allir barkaþræddir......... og þarna sat maður allveg agndofa yfir þessari ótrúlegu tækni sem menn sýndu í þessum þræðingum..... það lá við að maður óskaði sér barkaþræðingatæki í jólagjöf .... í staðinn fyrir fótanuddtæki....

Jæja ég held að ég sé farin að röfla...... sótthitinn allveg að fara með mann.....

Athugasemdir

[Hrönn Sigurðardóttir, 11.10.2007 kl. 09:00]

hahahahahahahah eins gott að hósta ekki nálægt þér þegar maður er að borða......

Láttu þér batna dúllan mín

[arnar valgeirsson, 11.10.2007 kl. 21:18]

þú þolir greinilega ekki súrefnið í sveitinni og ættir bara að flytja í 101. helst við hlemm. yrðir hress.

[Marta B Helgadóttir, 14.10.2007 kl. 16:40]

...ertu ennþá eitthvað kindarleg kindin ? lasin meina ég ?

...fólk hættir ekki að blogga Fanney fyrr en á  börunum sko !!   

gjörsovel að láta vita af þér kona góð  

[Marta B Helgadóttir, 14.10.2007 kl. 16:42]

vel meint auðvitað þú veist það

[Guðný Anna Arnþórsdóttir, 14.10.2007 kl. 23:11]

Er ég búin að halda fyrirlesturinn minn um andoxunarefni, öndun og Selenium? Eða fyrirlesturinn sem heitir "It´s all in the mind." Þú mast að mér var einu sinni hent út af honum..... Anyways, sendi þér hann í pósti. Þú verður alltof oft veik hellin mín, en það er ég nú búin að segja þér. Kannski er þetta reaskjón borgarbarnsins við sveitaloftinu, eins og einhver vinur þinn stingur uppá.

Nú förum við að hittast gamlir Klepparar og geðsinnað fólk og fá okkur í tænrar á einhverju geðslegum pöbb, kannski næstabar bara.  Þá verður nu um ýmislegt að ræða. Hlakka til. Tekurðu ekki Hrönnsu bara með þér?

[Hrönn Sigurðardóttir, 14.10.2007 kl. 23:31]

Hvaða bull er þetta?? Sveitaloftið er EKKI óheilnæmt!!!! Og auðvitað tekur hún mig með.................

............erþakki?????  Ég hef nú svo margt til málanna að leggja!

[Fanney Björg Karlsdóttir, 15.10.2007 kl. 09:26]

Vil eiginlega vekja athygli á því að um það bil sem ég var að leggjast í flensu þá var ég búin að vera óvenjumikið innan borgarmarkana...... kannski að það hafi haft einhver áhrif

en Marta mín,,,,, ég er búin að vera annsi kindarleg svo ekki sé nú meira sagt.....  en ég tók mér bessaleyfi og skellti mér í bústað með hressum kellum um helgina og svei mér ef sveitaloftið hefur ekki gert mér gott...... allavega er ég mætt í vinnu aftur.........

Guðný mín..... við þurfum endilega að skella á eins og einum "blóðþynningarfundi" á einhverjum barnum hér sunnan heiða.... og að sjálfsögðu tek ég Hrönn með mér....

[Guðný Anna Arnþórsdóttir, 15.10.2007 kl. 21:35]

Þetta er nú meiri sveitaloftsrómantíkin og borgarloftsniðurrifið, elskurnar mínar. Það á eftir að koma í ljós, að borgarmengunarloft er meinhollt. Sumir fara ekki á Þingvelli til að hlaða batteríin og fá inspírasjónir í sálina, nehei, heldur flugvelli. Sumir anda að sér útblæstrinum á Laugavegi og segja "..ohmm, guðdómlegt" meðan aðrir segja "oj, skítafýla" í sveitinni. Svona er þetta bara, elskurnar mínar.

Já, komum í blóðþynningarsamferðarmeðferð. 

PS: Biðst afsökunar á öllum innsláttarvillunum í síðasta kommenti, hef verið farin að sjá sérdeilis illa og flýta mér frammúr mér...