Vinsamleg tilmæli....

Ég veit - er ég dey - svo að verði ég grátinn,

þar verðurðu eflaust til taks.

En ætlirðu blómsveig á leggj´á mig látinn

- þá láttu mig fá hann strax.

 

Og mig, eins og aðra, sem afbragðsmenn deyja,

í annála skrásetur þú;

og hrós um mig ætlarðu sjálfsagt að segja,

en -  segðu það heldur nú.

 

Og vilji menn þökk mínum verðleikum sýna,

þá verður það eflaust þú,

sem sjóð lætur stofna í minningu mína,

en -  mér kæmi hann betur nú.

 

Og mannúðarduluna þekki ég þína,

sem þenurðu dánum í hag.

En ætlirð´að breiða yfir brestina mína

þá breidd´yfir þa´í dag.

 

(höf. ókunnur) 

Athugasemdir

[Anna Einarsdóttir, 14.9.2008 kl. 20:36]

Mikið til í þessu.  

[Brattur, 14.9.2008 kl. 21:16]

... stundum erum við of lengi að pæla að gera eitthvað í og ætlum okkur að gera allt seinna... en það er stundum ekkert "seinna" til og allt orðið um seinan... gott ljóð...

[arnar valgeirsson, 14.9.2008 kl. 22:05]

það eru allir frábærir - þegar þeir eru dánir sko.

en gott að fá klapp á bakið stundum, svona meðan maður lifir.

já, og pening. peninga og haug af þeim....

[Hrönn Sigurðardóttir, 14.9.2008 kl. 22:29]

Blómvöndurinn er á leiðinni til þín ásamt korti hvar á stendur: Ég er svo glöð að þekkja þig og hafa fundið þig aftur..... Ég lagði líka inn á þig aleiguna mína en ég man ekki eftir neinum brestum til að breiða yfir í þínu fari þannig að ég sendi þér í staðinn riiiiiiiisastórt teppi af ást, alúð og umhyggju

[Guðný Anna Arnþórsdóttir, 15.9.2008 kl. 00:08]

Love you

[Helga Kristjánsdóttir, 15.9.2008 kl. 02:10]

Sæl ég var að blogga þessar vísur,fyrir 3 dögum óg læt þess getið hver höfundurinn er (flottar sett upp hjá þér auk þess sem mér varð á að skrifa einfalt i þar sem y skal vera þó ég viti betur)

[Guðrún Arna Möller (IP-tala skráð) 15.9.2008 kl. 14:07]

Alveg frábært!  Svo mikið til í þessu.