Sveitin....

Er að njóta lífsins í sveitinni, fer seint að sofa, seint á fætur, nýt þess að fylgjast með litlu Heklu uppgötva heiminn. Hún er búin að hitta þá félaga Kjark og Bono, henni finnst þeir mjög spennandi og ríkur  upp til handa og fóta þegar hún sér þá... Þeir eru ekki eins upprifnir yfir þessu litla "kvikindi" sem hefur ruðst inn á heimili þeirra og hertekið húsbændurna... hvers eiga þeir að gjalda  Hún hefur líka kynst hænsnunum lítillega og er afar hrifin af hananum enda er hann tilkomumikill þar sem hann stendur á annarri og galar eins og hann eigi lífið að leysa, hún er gjörsamlega agndofa yfir þessari veru . Hún ber mikla virðingu fyrir hestunum, þar þekkir hún sín takmörk og finnur á sér að þarna eru skepnur sem manni ber að umgangast með viðeigandi lotningu ef maður vill ekki hafa verra af.......  

Hér er verið að útbúa bálköst sem á að kveikja í annaðkvöld... þetta er sko alvöru... hér verður varðeldur á laugardagskveldið með viðeigandi brekkusöng og látum.... að vísu verður Árni Johnsen fjarri góðu gamni ... en mér skilst að þetta sé svo sem ekki eini staðurinn á landinu þar sem hann er fjarri góðu gamni.....en hvað um það .....

Hér er semsagt verið að taka til hendinni og er ruslinu safnað saman í þar til gerða hrúgu og svo verður kveikt í öllu saman...Hér ræður praktíkin ríkjum og maður nýtir þau tækifæri sem gefast... Verslunarmannahelgi = varðeldur....... och sa vidare och sa vidare....... 

Athugasemdir

[Guðný Anna Arnþórsdóttir, 3.8.2007 kl. 22:16]

Það er sama hvar þú ert; altaf sama taumlausa fjörið. Maður getur nú öfundast smávegis án þess að opinbera það alveg.... Góða skemmtun, hunds - og kattamamma. Ertu nokkuð að flytja í sveitina alveg??

[Hrönn Sigurðardóttir, 3.8.2007 kl. 22:41]

Viljiði fá mig með gítarinn? Ég á að vísu ekki kló - en ég get bara klórað ykkur á bak við eyrun í staðinn.....

[Fanney Björg Karlsdóttir, 3.8.2007 kl. 23:26]

Takk fyrir það Guðný mín.... flutningur ísveitina...hmmm... það gæti allveg farið svo....

 Hrönnslan mín..koddu endilega..... með kló... eða án...alltaf gaman að sjá þig