Fanneybk

... þá eru kosningarnar afstaðnar og við taka spennandi tímar með öflugri vinstri stjórn....... Ég er mjög sátt við úrslitin þó ég skilji ekki hvernig Framsókn fór að því að auka fylgi sitt sem raun bar vitni.....en vegir pólitíkurinnar eru órannsakanlegir..... eða hvað......

 Á sumardaginn fyrsta fjölgaði í Einholti svo um munaði..... Fríða... fallega bröndótta læðan mín eignaðist fimm yndislega kettlinga þannig að ég hef verið í svona stuðnings-fæðingarorlofi síðan þá ... Ég fæ ekki nóg af því að horfa á og dást af þessum litlu krílum..... lítil frænka rak inn nefið þegar fæðingin stóð sem hæst og þótti þetta mjög merkilegt og spennandi.... alveg þangað til hún sá læðuna éta fylgjuna......... það þótti henni frekar ógeðslegt og var ekki svo viss um að hún myndi nokkurn tíma vilja eignast börn.... allavega þar til ég útskýrði fyrir henni að þetta færi ekki alveg svona fram hjá okkur mannfólkinu ....

Hér ætlaði ég að setja inn mynd af hinni nýbökuðu móður með afkvæmi sín.... en einhverra hluta vegna tekst mér ekki að hlaða þeim inn.... set í staðin mynd af fallegu læðunni Fríðu þegar hún var ung og saklaus......

Í dag er skírdagur og hér sit ég og bíð eftir sumrinu.....læt hugann reika og hugsa um allt það sem ég ætla mér að gera í sumar ...

Ég hef um hríð haft mikinn áhuga á að koma mér upp nýju hobbýi..... sem ég get stundað með Bóndanum og eitthvað sem ég verð alveg meiriháttar flott og fær í.....Ég er að sjálfsögðu löngu búin að ákveða hvað þetta hobbý á að vera.....og ég er búin að reyna að taka þátt... mér hefur tekist ágætlega upp en betur má ef duga skal og því greip ég til minna ráða.......

Þetta hobby sem um ræðir er hestamennska..... ég á meira að segja hest... tja .. eða meri.......og víst hef ég farið á bak og farið í reiðtúra og alles.... mér finnst mjög gaman að umgangast hrossin og fara á bak...... en...... ég er, eða var.... skíthrædd við þessar skepnur ..... Mér fannst ekkert mál að skella mér á bak og ríða út, og fannst það í raun toppurinn á tilverunni, mér finnst hrossalyktin góð og hef unun á að horfa á hrossin út í haga......en það er akkúrat meinið..... ég horfi á hrossin út í haga... þannig að í raun má segja að ég sé "fjarska-hrifin" af þessum skepnum en mér er ekkert um að þau komi öll askvaðandi á móti mér og hnusi af mér .... ég fæ svona klump í magann og er bókstaflega að ærast af hræðslu.......Mér er það ljóst, og mér var það raunar mjög fljótlega... að ef maður ætlar sér að vera í hestunum og stunda þá iðju  af einhverri alvöru þá er ekki æskilegt að maður sé að gera í sig af hræðslu í hvert sinn sem manni dettur í hug að ganga um landareignina ... svo ég tali nú ekki um útreiðar og svoleiðis sem óneitanlega er fylgifiskur þess að vera í hestunum....

En en.....maður deyr nú ekki ráðalaus og síst á tímum sem þessum...... og sjaldan er björgin langt undan...... Í janúar sá ég auglýst reiðnámskeið fyrir hræddar konur sem halda átti á Hestheimum sem er jú bara næsti bær við okkur hér í Einholti..... Ég sló til og skráði mig á námskeiðið... var hugrekkið uppmálað alveg þar til að námskeiðinu kom..... Nóttina fyrir herlegheitin svaf ég ekki mikið enda runnu fyrir hugskotsjónum mínum fólk sem hafði orðið fyrir hesthófum af einhverju tagi og var mis krambúlarað á eftir..... en ég lét ekki deigan síga og ég kláraði námskeiðið með stæl....

Ég get í dag, nánast án þess að urlast af hræðslu... sótt hrossið í stíuna, kembt því og dedúað við það á allan hátt..... meira að segja látið það lyfta fót og kannað hófana......Ég mæti núna í reiðskólann nánast í hverri viku þar sem reiðkennarinn minn, Barbara Mayer, kennir mér góða ásetu og allskonar hundakúnstir...... og það sem meira er... mér er að takast að yfirvinna þennan ótta sem hefur staðið í vegi fyrir því að ég hafi stundað hestamennskuna eins og ég hefði viljað.....

Einn góðan veðurdag þá.......

"Ef þú eyðir fullkomlega gagnslausum eftirmiðdegi á fullkomlega gagnslausan hátt, þá hefurðu lært að lifa." Lin Yutang

Mér fannst þetta eiga vel við núna á fallegum föstudegi....

Góða helgi....

Í Einholti er þessa dagana allt á tjá og tundri og þá er nú vægt til orða tekið... Bóndinn fer hamförum með pensilinn og sjálf er ég önnum kafin við .... tja.... ýmislegt annað ....

Við fórum á þorrablót í gærkvöldi og þar gerði ég þá merku uppgötvun ... að með smá hvítvín í blóði eykst hreyfigeta mín til muna.... ég dansaði þarna eins og herforingi og skemmti mér konunglega.... svei mér ef það rennur ekki bara blátt blóð í æðum mínum.... kannski dulítið útþynnt í dag..... en samt...

 Það er sjaldan dauður tími hér í sólskinshreppnum.... þar sem sólin skín alla daga og smjör drýpur af hverju strái.......þessa dagana er tíkin Hekla á lóðaríi með tilheyrandi væli, veini og óróleika.... Herkúles, nýi dekraði hundurinn úr bænum, sem auk þess er graður, er á hjólum í kringum þessa merkilegu tík..... en það sem er dæmt til að gerast má náttúrulega alls ekki gerast..... því hver vill eiga Labrador hund með permanett.....Þannig að nú skiptast þau á, lóða-tíkin og graði hundurinn, að eyða tímanum lokuð inn í búri...... akkúrat núna er þetta svoleiðis að hér inni vælir Hekla og vill komast út... frammi vælir Herkúles og vill komast inn.......Mitt í öllu þessu spígspora svo kettirnir, Bónó, Fríða, Fanný og Penný, og skilja ekkert í þessu veseni í hundunum.......

Ó .... er ekki lífið yndislegt....